Wala naabswelto sa Impeachment si VP Sara Duterte bangud sa intervention sang kamanduan sang Supreme Court sa procedure sini kundi mahimo pa ini nga file sa masunod nga tuig.
Ini ang nangin pahayag ni Atty Jasper Kent Perez- isa ka abogado sa interview sang Bombo Radyo Koronadal.
Suno sa iya, wala gin intrahan sang Korte Suprema ang desisyon kun ma-convict ukon ma acquit ang bise presidente bangud naka focus ang mando sang korte Suprema sa procedures ukon pamaagi sang impeachment ni Duterte.
Ginpahayag man sini nga bangud wala sang may ginhimo ang House of Representative sa tatlo ka nauna nga articles of impeachment halin sa verified complaints sa isa ka tuig, makabig na ini nga “archived” ukon dismissed kag sang nag himo naman sang articles of impeachment pinaagi sa 1/3 sang congress nga wala nahimuan sang pamaagi ang una nga 3 ka verified complaints, nag-epekto na ang one-year-bar rule nga ginpahayag sang Korte Suprema.
May mga mabakod nga balasehan ang Supreme Court angot sa pagdeklarar sang Articles of Impeachment batok kay VP Sara Duterte nga unconstitutional.
Ginpahayag man sini nga mahimo naman nga makafile liwat sang impeachement case batok kay VP Sara Duterte sa tuig 2026
