KORONADAL CITY- Nagpabilin sa gihapon sa huna-huna sang mga residente sang Marawi City ang laragway sang kinagamo sa ila mga lugar.
Ini apisar yara na sila sa luwas nga lugar sa syudad sang Koronadal makaligad mag evacuate bangud sa nagapadayon nga engwentro sang militar kag ISIS-Maute sa Marawi City.
Sa interbyu sang Bombo Radyo Koronadal kay Nuraiza Lumudag, indi sa gihapon sini malikawan nga mangin emosyonal ilabi na kun ginahanduraw sini ang ila nangin eksperyensya bag-o tigayon nakaluwas sa engkwentro.
Samtang kaangot sa selebrasyon sang ika 119 ka tuig nga Independence Day, ginapangamuyo sini nga mabalik ang kahilwayan sa syudad sang Marawi agud makabalik na sila sa ila lugar nga gintubuan.
Apisar naga awas ang dugo sa ila nga lugar kag nangin mapait ang eksperyensya nga ginbilin sang kinagamo, magabalik sa gihapon ini sa Marawi.
Nagpanawagan man ini sa Muslim Community nga ipangamuyo ang mga suldado nga nagasakripisyo agud mabalik lang ang kahilwayan sang ila lugar.
