Nagakaangay nga kabigon nga month of forgiveness ang bug-os nga bulan sang ramadan para sa mga utod nga mga muslim.
Ini ang nanging pahayag ni Sultan Mutalib Sambuto- South Cotabato Muslim Affairs Chief sa interview sang Bombo Radyo Koronadal.
Suno sa iya, ginakabig nga tion sang pagpangayo sang pasaylo sa kada isa ang tion sang Ramadan sa diin suno pa opisyal importante man nga mapakita sa kada isa ang paghangop kag kalinong.
Ginpahayag man sini nga preparado man sila nga mga muslim nga magsakripisyo sang isa ka bulan agud nga mabayaran ang mga kasal.anan nga ila nahimo sa kada isa.
Magluwas pa diri, ginakabig man ini nga month of peace of mind sa diin naga kadapat nga magpangibabaw ang kalinong sa kada isa kag likawan ang anuman nga kinagamo.
Ginapangamuyo man sini ang kalinong sa bilog nga Maguindanao Areas nga naka eksperyensiyar sang kinagamo nga kuntani mangin malinong kag puno sang pag-intindi.
Ginpahayag man ini nga mas maayo nga maglikaw sa kinagamo kag iduso ang kalinong sa kada isa.
Nag-umpisa naman subong nga adlaw sang Huwebes, February 19 2026 ang isa ka bulang nga pag-obserbar sang bulan sang Ramadan sa bilog nga kalibutan.
