KORONADAL CITY– Apektado ang tatlo ka Purok sang Barangay Poblacion, Kalamansig Sultan Kudarat matapos nga maka eksperyensya suno pa sang storm surge ukon coastal flood.
Gilayon nga ginbakwiit ang halos 100 nga residente matapos nga nagsaka ang tubig sa ila mga lugar kadungan sang malain nga paniempo.
Ang mga lugar nga apektado ang ginalakipan sang Purok Riksan, Talisay kag Port area sa nasambit nga banwa.
Kaangot sini, gilayon nga nagpadala sang rescue team ang lokal nga gobyerno sang Kalamansig kag sa subong nagapabilin ang mga evacuees sa ila Municipal Gymnasium.
Samtang wala naman sang suplay sang kuryente sa lugar matapos nga maapektuhan man sang storm surge.
Sa subong nagapadayon sa gihapon ang monitoring sa nasambit nga insidente kag ginlaygayan ang mga pumuluyo nga maghalin sa lugar bangud delikado pa ang sitwasyon.
