KORONADAL CITY- Padayon pa nga ginahibalo sang kapulisan sa Parang, Maguindanao del Sur ang kantidad sang kahon-kahon nga sigarilyo nga nabalabagan kag nakumpiskar sa checkpoint.
Suno kay Police Lt. Erwin Tabor, chief of police sang Parang Municipal Police Station, isa ka deleivery truck ang ginpapundo sang kapulisan sa Barangay Sarmiento sa nasambit nga banwa kag sang ila gin-checkyar kinahon-kahon nga mga sigarilyo ang ila nakita.
Wala naman sang may mapresentar nga nagakaigo nga dokumento ang driver sang truck.
Sa karon,ginaimbentaryo pa ang kabug-usan nga kantidad sang mga sigarilyo nga nakumpiskar sang kapulisan.
Gibahibalo man ang nagapanag-iya sini kag kun sa diin iga-deliver.
Kaangot sini, nagpaandam naman ang opisyal sa mga pumuluyo sa Parang nga e-report gilayon sa mga otoridad sa tion nga makakita sila sang mga makaduluda nga illegal nga sigarilyo.
