Nagapadayon ang imbestigasyon sang mga kapulisan kag municipal officials sa nagluntad nag pagpangluthang sa Barangay Kudarangan, Nabalawag, Cotabato, nga nagresulta sa kamatayon sang isa ka babae nga maestra kag ang iya paryente, samtang ang isa ka barangay councilor ang pilason kahapon nga adlaw sang Miyerkules, Enero 28, 2026.
Ginkilala ang napatay sa kay Nurhani Sangki Tayuan isa ka maestra, kag ang iya lalaki nga paryente nga ginkilala kay Pikong.
Sandig sa mga local executives kag opisyal sang Police Regional Office – Bangsamoro Autonomous Region, nagpalapit ang mga suspek nga mga lalaki sa balay sang mga biktima samtang manami ang tulog sang mga biktima kag hinali sila ginpaniro gamit sang mga assault rifles sang mga suspek.
Madasig naman nakapalagyo ang mga suspek matapos ang pagpangluthang.
Pilason naman si Saddam Abdullah Tayuan, barangay councilor sa Kudarangan, Nabalawag, nga sakop sang Bangsamoro region bangud sa insidente nga natabo.
Samtang, gilayon nga gindala sa hospital sang mga barangay officials ang pilason nga kagawad agud matagaan sang medikal nga atensyon.
Sa subong, ang mga imbestigador halin sa Nabalawag Municipal Police Station kag sa municipal officials nagapadayon sa pagkilala sang mga responsable sa krimen agud atubangon ang angay nga kaso.
Wala naman nakaluwas ang iban nga mga kasapatan matapos maigo sang mga bala sa natabo nga pagpangluthang.
