KORONADAL CITY- Ginreklamo ang isa ka Barangay Kagawad sang Barangay Paraiso, Koronadal City matapos suno pa ini nga nagpanaya sang armas luthang kag gintampa pa ang plato nga may yara sang pulutan sa isa ka Andrew Kris Añana, residente sang Victoria Homes.
Ginkilala ang ginreklamo nga Kagawad nga si Brgy. Paraiso Kagawad Basilio Magdato.
Suno sa panalaysayon sang biktima, naga inom suno pa ang mga ini kaupod ang mga abyan sang nag-abot ang nasambit nga kagawad kagab-i kun sa diin nakaangkon sang mainit nga diskusyon kag nagresulta sa pagtampa sang kagawad sang pulutan kag pagtaya sang armas.
Ginpahayag pa ni Andrew nga batuan kuntani sini ang kagawad apang nag gabot ini sang armas kag gintaya.
Sa subong, desidido suno pa ang biktima nga ireklamo ang nasambit nga Brgy. Kagawad.
