KORONADAL CITY – Ginhatagan sang ligwa sa subong sang pamunuan sang South Cotabato Rehabilitation and Detention Center (SCRDC) ang “Kabayo system” sa sulod sang pasilidad nga yara suno pa sa likod sang masami nga pagpasulod sang illegal nga droga sa pasilidad.
Sa interview sang Bombo Radyo Koronadal kay Warden Juan Lanzaderas-Provincial Warden sangSouth Cotabato Rehabilitation and Detention Center(SCRDC).
Ginpaathag sini nga ang “Kabayo system” isa ka pamaagi sang pag-kunsabuhay sa tunga sang inmates kag mga jail guards sa diin ang pila suno pa ka mga jail guards ang kulukasubong nga “runners” sang illegal nga droga halin sa guwa padulong sa sulod sang pasilidad.
Ginpahayag sang opisyal nga indi ini 100% nga kampante sa mga jail guards sang pasilidad bangud may ara suno pa sang pila sa mga ini ang ginahimo nga “kabayo” sang mga inmates para sa droga.
Madumduman, nga madinalag-on nga ma-intercept ukon maagaw sang mga katapo sang South Cotabato Rehabilitation and Detention Center(SCRDC) ang mga ginahaboy kag gina-itsa nga droga padulong sa sulod sang pasilidad sang Agosto 13 kag Agusto 22 kasamtangan nga tuig/
