Ginkumpirma ni anay US President Donald Trump nga tigayon na nga indi mabalik ang kabahin sang iya dalunggan nga naigo sang bala sang siya ang gintiro sang isa ka 20-anyos nga suspek sa Pennsylvania.
Suno pa kay Trump, gilayon siya nga nasecure sang Secret Service matapos ang assassination attempt.
Apang bangud sa luyag sang mga security personnel nga maproteksyunan siya, nangin madasig ang iya hulag kun diin nakakas pa ang sapatos sini.
Ginpakigbahin pa sang anay pangulo nga luyag niya nga maghambal pa apang ginpunggan siya bangud kinahanglan niya magbiya sa lugar.
Nag-angkon man si Trump sang gasgas sa iya nga kamot kun diin nakuha niya ini sa pagduko kag pagtinguha nga makapalagyo.
Gindugang pa sini nga magatambong man siya sa lubong ni Corey Comperatore, ang isa sa mga naglanatw sa iya pamulong-pulong nga nalamita sa pagpaniro sang suspek.
Liwat naman nga nagpasalamat ang anay pangulo sa padayon nga pagsuporta sa iya sa pihak sang natabo sa Pennsylvania.
