JUST IN: 3 myembro sang budol-budol, naarestar; kapulisan, nagpanawagan sa mga biktima

KORONADAL CITY – Yara na sa kustodiya sang Koronadal City PNP ang tatlo ka ginaaligar mga myembro sang Budol-budol nga nagapanunto sang mga pumuluyo sa diin man nga lugar.

Suno sa kapulisan, modus sang mga ini nga manglansi ukon mangtunto sang tawo sa ginapakita nila nga binandol nga kwarta.

Ginahibalo pa subong ang matuod nga pangalan sang mga ini matapos nga nagausar suno pa sila sang nagkalain-lain nga pangalan.

Nadakpan ang mga ini matapos nga magreport ang isa ka concerned citizen nga target kuntani nga bikitmahon man sang mga ini.

Sa subong, nagapanawagan ang mga otoridad sa mga biktima sang nasambit nga mga persona nga magpadulong sa police station agud mapasakaan sang nagakaigo nga kaso ang mga ini.