Gintabla sang Denver Nuggets ang 20-point nga deficit nga ila naagyan kontra sa karibal nga San Antonio Spurs, kag nakuha ang kadalag-an sa score nga 136-131.
Panibag-o nga triple-double ang ginhatag sang Denver bigman nga si Nikola Jokic nga nakapagkit sang 31 ka puntos, 20 ka rebounds, kag 12 ka assists.
Nakahimo man siya sang tatlo ka steals kag duha ka blocks sa 39 ka minutos sang iya hampang.
Nanguna naman sa team scoring ang point guard nga si Jamal Murray nga nakapuntos sang 39 ka puntos halin sa 11 ka field goals nga iya ginlansar.
Naigo man ni Murray ang tanan nga 15 niya ka free throw attempts.
Ginsamantala sang 2023 NBA champion nga wala nakahampang ang bigman nga si Victor Wembanyama agud makaposte sang bigtime comeback sa ikaduha nga bahin sang hampang, labi na sa 4th quarter kun sa diin nagpakita ang Nuggets sang 42-25 nga run sa bug-os nga ulihi nga quarter.
Wala naman nakaigo ang triple-double performance sang Spurs guard nga si Stephon Castle nga nakapuntos sang 30 ka puntos, 11 ka rebounds, kag 10 ka assists sa sulod sang 35 ka minutos sa hardcourt.
Sa sulod sang 66 ka dula nga ila na-istorya subong season, kasubong nga nakakuha sang sobra 40 ka kadalag-an ang duha ka koponan, kun sa diin may 41 ka kadalag-an ang Nuggets samtang 48 naman sa Spurs.
