Magahampang na sa Golden State Warriors ang anay Miami Heat star Jimmy Butler matapos ang nangin trade deal sini sa tunga sang nasambit nga kuponan.
Mangin kambyo ni Jimmy Si NBA champion Andrew Wiggins lakip man ang bag-o nga guard nga si Dennis Schroder.
Kaupod man sa deal ang bench nga si Kyle Anderson kag isa ka protected first- round pick.
Ang madinalag-on nga trade lakip sang 5-team deal sang Utah Jazz, Detroit Pistons kag Toronoto raptors.
Sa kabug-usan, magakadto si Buttler sa GSW, samtang si Wiggins kag PJ Tucker naman sa Miami.
Si Dennis Schroder naman sa Utah, samtang sa Toronto Raptors naman magahampang ang bench nga si Kyle Anderson.
Sa Detroit naman magahampag ang shooter nga si Lindy Waters kaupod ang heat bench nga si Josh Richardson.
Sa pihak nga bahin naman, nangin dako man nga bulig sa Golden State Warrios ang presensiya ni Wiggins agud mabulsa ang pinakaulihi nga kampyeonato sang tuig 2022. Si Wiggins ang nangin starting forward sa playoff tubtob sa championship.
