Nag-crash ang eroplano nga pasahero sa South Korea sa Muan International Airport sa South Jeolla Province sa South Korea.
Suno sa South Korean news agency nga Yonhap, may 175 ka mga pasahero kag 6 ka mga crew sa Jeju Air Flight 2216.
Sa karon yara na sa 179 katawo ang mga napatay.
Nag-abot ang eroplano halin sa Bangkok, Thailand antes nag-crash sa Muan International Airport.
Ini ang may kalayuon nga 288 kilometers sa Capital sang South Korea nga Seoul.
Nag-landing ang eroplano sa runway apisar wala sang landing gear tubtob nagbunggo sa fence sang paluparan.
Suno sa mga nakakita, nakabati man sila sang kusog nga mga lupok bago nagtibusok ang eroplano sa pader, amo nag lupok ini kag nasunog.
Suno sa mga awtoridad posible nga ‘bird strike’ ang gintunaan sang pag tibusok sang eroplano.
Nagapaayo man sa karon ang 2 ka mga naligtas nga nakapungko sa tail section sang eroplano.
Nagpadulong naman si acting South Korean President Choi Sang-mok sa Central Disaster Management Headquarters sa diin ginmando sini ang madasig nga rescue operations.
Sa karon, nagapadayon naman ang pag rescue sa mga pasahero sang eroplano kag padayon man ang imbestigasyon sa nasambit nga insidente.
