-- ADVERTISEMENT --
Nakuha sang anay Overseas Filipino Worker (OFW) sa Dubai nga si Jasmin Bungay ang titulo bilang second runner-up sa Miss Globe 2024 nga ginpatigayon sa Tirana Olympic Park sa Albania.
Malipayon kag bugal naman sang tanan nga mga OFW kag mga Pinoy sa bug-os nga kalibutan ang kadalag-an sang beauty queen.
Samtang, nakuha naman ni Diana Moreno gikan sa Colombia ang korona bilang Miss Globe 2024.
Madumduman nga madamo sang napabilib sa national costume ni Bungay bangud ang inspirasyon sang disenyo sini ang gikan sa pagpangabudlay sang mga OFW ilabi na ang mga yara sa Middle East.
