May posibilidad nga mapasakaan sang kaso si Jamela Villanueva, ang ex-girlfriend ni Anthony Jennings, bangod sa pagpaguwa niya sa social media sang mga screenshot sang pribado nga pag-istoryahanay sang iya ex-boyfriend kag sang aktres nga si Maris Racal.
Ini bisan pa nga gina-angkon niya nga biktima siya sang pagisturyahanay sang duha samtang yara pa sa relasyon.
Suno sa ginpaguwa nga advisory opinion sang National Privacy Commission (NPC), mahimo nga silutan, base sa Data Privacy Act of 2012, ang bisan sin-o nga mapamatud-an nga nag-post ukon nagpaambit sang mga screenshot sang personal nga impormasyon nga wala sang pagtugot halin sa mga tawo nga nadalahig.
Madumduman nga ginpagwa ni Jamela Villanueva ang intimate conversation si Maris Racal kag si Anthony Jennings samtang yara pa ini sa ila mga anay karelasyon amo si Rico Blanco kag Jamela Villanueva nga gin pyestahan man sang mga netizens sa social media kag gin bansagan nga si Maris ang year-ender sang memes subong nga tuig 2024 kung sa diin ginagamit ang iya mga kataga sa ila conversation lakip ang “that was so hot” kag “you left your sweater” gingamit man ini sang pipila ka mga business owners as marketing strategy.
