Gin-anunsyo sang celebrity couple nga sanday Iya Villania kag Drew Arellano nga ginapaabot na nila subong ang ila baby no. 5!
Sa joint Instagram Reel, nag-upod ang Arellano family kag nagsaot sa Mambo No. 5 ni Lou Bega.
Ang kabataan nga sanday Primo, Leon, Alana, kag Astro ang isa-isa nga nagpakita (pasunod sa ila birthdays) kag sang nag-abot na ang kanta sa number five, ginpakita na ang picture sang ultrasound.
Ginbaha naman sang sunlog kag mensahe sang pagpanginbulahan ang comments section lakip na sanday Rocco Nacino, Jericho Rosales, Valeen Montenegro, Nikki Gil, Iza Calzado, kag iban pa.
10 ka tuig na nga magkahugma sanday Iya kag Drew antes sila nagpakasal sang 2014.
Nabun-ag si Primo sang 2016, si Leon sang 2018, si Alana sang 2020, kag si Astro sang 2022.
