KORONADAL CITY – Indi malikawan sang mga residente nga magpagwa sang hibubun-ot sa bangud sa suno pa kontrobersiya nga nagaputos sa banwa sang Makilala ilabi na sa relief operations sang mga residente.
Ginpakigbahin ni Bombo correspondent Jojo Gallo nga madamo ang nagpalab-ot sang ila hibubun-ot bangud sa isyu sang pagpangagaw sang mga ayuda kun sa diin kadamuan sa mga biktima ang mga katigulangan.
Nasaksihan man sini ang pag binaisay suno pa sang pila ka barangay officials kag mga residente kun sa diin luyag sang pila ka opsisyal nga mag-agi anay sa barangay ang mga relief goods antes idul-ong sa ila.
Luwas pa dire naglutaw man ang mga alegasyon sang kurapsyon kun sa diin ginatunga suno pa ang mga manami nga kalidad sang bugas kag dyutay na lamang ang mabilin sa mga apektado.
May mga nagapalab-ot sang reklamo nga pila ka mga manami nga bugas ang ginatag kag ang mga kalain ang kalidad ang ginahatag sa mga residente.
Bukas naman ang Bombo Radyo sa pagpa-athag sang LGU sang Makilala agud sabton ang mga isyu.
