KORONADAL CITY- Naka lockdown sa gihapon ang banwa sang Isulan, Sultan Kudarat makaligad ang nagluntad nga panibag-o nga pagpasigabong sang Improvised Explosive Device sa isa ka internet shop nga ginkapatay sang duwa kag ginkapilas sang yara sa 13 ka iban pa.
Tubtob sa karun, nagapabilin sa gihapon ang trauma nga nabatyagan sang mga residente partikular na sang Prk. Tagumpay, Brgy Kalawag 2 kaangot
sa nagluntad nga panghitabo.
Sa interbyu sang Bombo Radyo Koronadal kay Isulan Mayor Marites Pallasigue, nagapangluya sila ilabi na ang mga residente sa panibag-o na kinagamo nga nagluntad sa ila nga nasakupan.
Nagakabalaka man ang alkalde kun nga-a nakalusot sa ihapon ang mga malain nga mga element sa pihak sang hugot nga seguridad nga ginapatuman sang augmenting forces sang PNP kag AFP.
Samtang hustisya naman ang ginasinggitan sang pila sa mga himata sa panibag-o nga pagpasigabong.
Ginpakigbahin naman ni Samuel Luda ang amay ni Jun Mark Luda ang napatay sa pagpamomba nga nagakanta-kanta pa ang iya nga bata sang ulihi sini nga makaistorya kag nagpadulong lamang sa internet shop agud nga maghimo kuntani sang research papers. Ginbawian man sang kabuhi ang pakaisa sini nga si Marialyn Luda, 15-anyos makaligad maka-angkon sang malala nga pilas sa iya nga lawas.
Nagluntad ang pagsigabong lima ka adlaw makaligad ang una nga pasigabong sa tunga sang Hamungaya Festival nga nag-utas sang kabuhi sang tatlo ka persona kag ginkapilas sang 36 ka iban pa.
Base sa datus, kadamuan sa mga biktima ang mga kabataan.
Samtang yari naman ang pila sa mga pangalan sang mga biktima:
PROVINCIAL HOSPITAL (WIA)
1. Dabe Brian Mansibu Liliza, 20- Brgy Kalawag 2, Isulan
2. Ray Mark Fugonay Agac-ac, 20- Brgy Kalawag 2, Isulan
3. Paul Diaz Letrero 15- Brgy Kalawag 2, Isulan
4. Solis Amposa 14-Brgy Kalawag 2, Isulan
5. Marialyn Latocan Luda 15- Brgy Kalawag 2, Isulan
6. Jerson Bocoy 22-Brgy Kalawag 1, Isulan
7. John Mark Palencia Luda 18yo-Prk. Malingawn, Brgy Biwang, Bagumbayan Sultan Kudarat (DOA)
GALANG DOCTORS HOSPITAL (WIA)
1. Joshua Rute Somblingo 21- Brgy Bambad, Isulan
2. Fred Jaleco Casamayor 14-Brgy Kalawag 1, Isulan
HOLY NAZARENE CLINIC WIA
1. Ivan Letrero 20-Brgy Kalawag 1, Isulan
2. Rowe John Pewaso 26-Brgy Mapantig,Isulan
3. Jean Allaga Pequirda 36-Brgy Tayugo,Isulan
4. Timothy John Falces Pequerda 5-Brgy Tayugo,Isulan
GALINATO CLINIC (WIA)
1. Rosalisa Paquilidan 49- Sto. Niño, South Cotabato
