KORONADAL CITY – Nakarekober kag nakaguwas na sa Cotabato Regional Medical Center angt isa ka Islamic preacher kag pinakauna nga nag positibo sa COVID 19 sa Rehiyon 12.
Suno kay Dr. Helen Yambao, Chief sang CRMC, makaligad ang duha ka semana nga pagpabilin sa isolation room sa Cotabato Regional Medical Center kay nag ayo na ang nasambit nga COVID 19 positive patient.
Apang, may apat pa nga pasyente ang ginkabig nga Person Under Investigation (PUI) kag naka confine subong sa Regional Hospital.
Sa interbyu sa ng Bombo Radyo Koronadal kay DOH-12 Health Education and Promotion Officer Arjhon Gangoso ang nasambit nga pasyente ang pinakauna nga nakumpirmar nga positibo sa coronavirus sa Socksargen.
Si PH145 ang isa sa 215 Filipino Muslim religious leaders nga nagtambong sa “Tabligh” o religious gathering sa Kuala Lumpur sang nanligad Pebrero 27 tubtub Marso 1 kun sa diin yara sa 16,000 ang mga nagtambong kag ang nasambit nga pagtililipon ang ginakabig sang Malaysia nga most Covid-19 infection event.
Kaupod man sini ang una nga napatay na sa Amai Pakpak Medical Center sa Marawi City.
