KORONADAL CITY- Naarestar na sang Koronadal City PNP ang isa sa mga suspek sa pagpatay sa OFW nga Marelou Occeña, nga taga-Pigcayawan, North Cotabato.
Ini ang ginkumpirmar sa Bombo Radyo Koronadal ni PLt. Col. Amor Mio Somine, hepe sang Koronadal PNP.
Ginkilala sini ang nadakpan nga suspek nga si Dhong Salog alyas Ali Dexter, 27 anyos, isa ka construction worker kag residente sang Lutayan, Sultan Kudarat.
Suno sa hepe, natuntun ang suspek sa bulig man sang mga witnesses nga nakakilala sa iya. Sa gahum sang mandamiento de arresto nga uyat sang mga kapulisan, nadakpan si Dexter sa bahin sang Prk. Depita, Brgy. Zone 2 , Enero 1 sang hapon.
Kasamtangan naman nga ginapangita pa kag nagapabilin nga at-large ang isa ka suspek nga kaupod ni Dexter sa pag himo sang krimen.
Sa subong ara na sa karcel sa paginakop sang Koronadal CPS ang nadakpan nga suspek kag natalana nga magapangatubang sang mga naga kaigo nga kaso
Una na nga natumod ang mga persons of interest ang kapulisan nga ginatudlo responsable sa pagpatay sa OFW nga nasapwan sa Sitio Cabuling, Barangay Saravia, Koronadal City sang Setyembre 25 2022 alas-6 sang gab-i kag nabawian ini sang kabuhin sa South cotabato Provincial Hospital, Setyembre 26 2022
