KORONADAL CITY- Ginsaysay sang isa sa mga responders eksklusibo sa Bombo Radyo Koronadal ang madinuguon nga aksidente nga nagluntad sa Brgy. Lamsalome sa banwa san Tboli, South Cotabato nga ginkapatay sang 20 ka indibidwal kag ginkapilas sang 14 ka iban pa.
Sa ekslusibo nga interbyu sang Bombo Radyo Koronadal kay Sherwin Dondon, 33 anyos nga residente sang Polomolok, South Cotabato, nagasunod suno pa ang forward truck sa ila salakyan apang nag overtake suno pa ini sa ila kag natalupangdan nila nga tuma kadasig ang dalagan sini kag nakibot na lamang sila nga gulpi na lamang ini nga nagdiretso sa pil-as.
Gilayon nila nga ginbuligan ang pila sa mga biktima kun sa diin naka rescue sila sang 11 ka persona nga ginakabug-usan sang 3 ka mga tigulang kag 8 ka mga bata lakip na ang 1 ka tuig nga birthday celebrant.
Nagahilibion suno pa ang mga biktima samatng gina agwanta ang mga malala nga mga pilas kag bali sa lawas sang ila ginsakay sa ila salakyan kag nagsunod naman ang iban pa nga mga salakyan sa pagrescue sa iban pa nnga mga biktima.
Tatlo suno pa sa mga biktima nga ginsakay nila ang napatay samtang ang iban naman ang naka survive.
Nakaistorya pa sa iya ang tag-iya sang foward truck nga nagsiling nga nag-agi sila sa Brgy. Lamsalome bangud nagalikaw sila sa LTO checkpoint.
