KORONADAL CITY- Naghatag sang kalipay sa mga senior citizen ang libre nga baston nga ginhatag sang Bombo Radyo Koronadal sa ginpatigayon nga Bombo Medico 2017.
Nahibaluan nga luwas sa mga libre nga bulong, massage, manicure, pedicure, meryenda kag libre nga salamin, naghatag man sang mga baston ang Bombo Radyo para sa mga senior citizen nga nabudlayan nga maglakat kag nagakinahanglan sang alalay.
Kaangot sini, agaw atensyon man ang 80 anyos nga isa sa pinakatigulang nga mountaineer sa Pilipinas nga si Eugelio Española sang Polomolok South Cotabato bangud sa isa ini sa mga nakabaton sang baston.
Suno kay Lolo Española wala sya sang ginabatyag nga sakit apang luyag nga makabaton sang libre nga baston bangud ini ang magasirbe nga proteksyon nya sa pagsaka liwat sa bukid.
