KORONADAL CITY- Gin-ako ni Police Inspector Diogenes Hare, chief of police sang Sto. Niño PNP nga wala sa drug watchlist ang isa sa mga napatay sa ginpatigayon nga search warrant implementation sang mga otoridad sa Brgy. Ambalgan kag Brgy. Poblacion Sto. Niño South Cotabato nga si Henry Sambra Vera, 57 anyos kag isa ka welder.
Suno kay Pol. Insp. Hare posible suno pa nga nagsala lang ang raiding team sa target sa nasambit nga operasyon bangud ang yara sa watchlist amuh ang live-in partner sang bata sang napatay.
Nahibaluan nga ang Sto. Niño PNP ang support team lang sang operasyon sang Regional Anti-Drug Enforcement Unit kag Regional Mobile Force Batallion.
Madumduman nga sa nasambit nga operasyon patay man si Edgar Carugda Porras, 48, ex-police na nag-AWOL noong taong 1999 samtang arestado naman ang isa ka Rene Billanes Ybañez.
Ginhangkat ni Shiela Rose Billones, bata ni Henry Sambra Vera isa sa mga napatay sa operasyon batuk sa iligal nga droga sa Sto. Niño South Cotabato ang raiding team nga nakapatay sa ila amay nga pamatud-an kun may koneksyon gid ang amay sini sa iligal nga droga.
Ini bangud ang ila amay ang wala suno pa naga intra sa iligal nga buluhaton.
Dugang pa nga imposible man nga makabato ang ila amay bangud wala ini sang armas kag wala ikasarang magbato bangud indi ini makalakat ukon may yara sang dis-abilidad.
Masakit suno pa ang buot nila bangud wala gin validate sang maayo ang listahan kun sa diin gintunaan sang kamatayon san ila amay.
