KORONADAL CITY- Gindul-ong na sa ulihi nga pakahuwayan si Sgt. Freddie Velasco ang isa sa mga suldado nga napatay sa engkwentro batuk sa New People’s Army sa Davao Oriental.
Emosyonal ang pamilya ni Sgt. Velasco sa paglubong sa iya sa Koronadal Eterbnal Garden sa syudad sang Koronadal.
Sa ekslusibo nga interbyu sang Bombo Radyo Koronadal kay Jean Velasco, masakit para sa iya nga wala na ang iya nga bana apang kinahanglan sini nga batunon ang kamatuuran.
Proud man suno pa sila nga ginsakripisyo ni Sgt. Velasco ang iya kabuhi sa pagserbisyo sa pungsod.
Kadungan sini, liwat gin-insister ni Jean Velasco nga kinahanglan sa gihapon ang pagduso sa peace talk bangud nagapati siya nga ini sa gihapon ang sabat agud maangkon ang kalinong kag mauntat na ang kinagamo sa tunga sang military kag NPA.
Dapat man suno pa nga seryosohon sang magtimbang nga hubon kun madayon pa ang peacetalk bangud sa ulihi wala sang matuga nga maayo kag wala sang magadaog sa gyera.
Luwas sa asawa sini, patay man ang isa pa ka South Cotabateño nga si Sgt. Jonathan Cabuya nga residente sang Tupi, South Cotabato.
Nahibaluan nga ginhatagan sang 21 gun salute sang iya mga kaupdana si Sgt. Velasco.
