KORONADAL CITY– Nagapadayon sa karon ang imbestigasyon sang mga otoridad sa natabo nga pagpangluthang-patay sa banwa sang Lambayong, Sultan Kudarat.
Sa interbyu sang Bombo Radyo Koronadal kay Police Captain Herman Luna hepe sang Lambayong PNP, ginkilala ang napatay nga biktima nga si Budsal Mamasadungea Galay, 52-anyos samtang pilason naman ang upod sini nga estudyante nga si Amir Aliman.
Suno kay Luna, sakay sa motorsiklo ang mga biktima nga papuli na kuntani sa ila nga lugar sa Brgy Tambak sang gintiro ang mga ini sang Purok Baganihan, Barangay Kapingkong sa nasambit nga lugar sang wala pa nakilalal-an nga mga suspek.
Nahibaluan nga gindeklarar nga Dead on the spot si Galay bangud sa igo sang bala sa iya nga lawas kag padayon naman nga gina-obserbaran ang kahimtangan ni Amir sa isa ka ospital sa Lambayong.
Sa subong, may ginasundan na nga motibo ang kapulisan sa nagluntad nga krimen.
