Dead on the spot ang isa ka lalaki kag pilason naman ang isa sa nahitabo nga pangpamusil-patay sini lang sang nagligad nga gab-i sa Barangay Kabuntalan Sultan Kudarat, Maguindao del Norte.
Suno sa kapulisan , dead on the spot ang biktima nga ginkilala nga si Amanodin Taculing Ibrahim, 51 anyos nga residente sang Jasmine street, Barangay Rosary Heights Cotabato City samtang nakapagkit sang ligaw nga bala si Rasid Gaynandang Guiaman nga nagapang-edaron sa 26 years old nga residente sang Sultan Kudarat Maguindanao del Norte.
Base sa imbestigasyon sang kapulisan, samtang nagapungko suno pa ang biktima ini ang ginpalapitan sang gunman kag ginpusil-patay.
Nagpagkit ini sang madamo nga bala nga nagin tuga sang iya kamatayon samtang ang isa ka biktima ang naigo sang ligaw nga bala sa balitak nga sa tion sang pangpusil-patay naga tindog lang ini sa tindahan.
Dalayon man nga gindala sa balay-bulungan ang pilason nga si Guiaman samtang dead on the spot naman si Ibrahim.
Sa karon ginahibalo pa sang kapulisan ang motibo kag kun sin-o ang yara sa likod sang nasambit nga pagpamusil-patay.
