Nakaluwas ang 7 ka sakay sang Mini Van kag kritikal ang sa balay bulungan ang driver sang bajaj sa nagluntad nga vehicular accident sa bahin sang National highway Sitio Valencia, San Vicente Banga South Cotabato.
Pakadto kuntani sa Gensan halin sa Esperanza, Sultan Kudarat ang isa ka pamilya nga sakay sang Mini Van para sa outing kuntani sang nagcut sa piyak nga linya ang bajaj nga motorsiklo halin sa Koronadal City, rason nga nadulaan sang kontrol ang nasambit nga van kag natumba.
Sa kakusong sang impact, nagkalayo ang nasambit nga motor kag nadamay ang minivan.
Madason man nga nakapanaog ang 7 ka sakay sang mini van apang ang driver sang motorsiklo ang nakapagkit sang sunog sa tiil sini.
Sa karon ginadala sa balay bulungan ang driver sang motorsiklo nga yara sa kritikal nga sitwasyon.
