Patay ang isa ka bata nga lalaki matapos nga malumos sa isa ka irrigation canal sa Barangay Panay, Sto. Niño, South Cotabato sang hapon sang Miyerkules, Abril 9, 2025.
Ginkilala ang biktima nga si alyas “Kane” yara sa isa ka tuig nga bata kag residente sang nasambit nga lugar.
Madason naman nga gindala sa balay bulungan matapos makit-an nga naga lutaw sa kanal sa Purok Rizal 1.
Suno sa inisyal nga imbestigasyon, yara sa 200 metros ang kalayuon sang balay sang bata kun sa diin nakit-an, nahibal an man nga ginbilin ang bata sa ila panmalay kag posible nga aksidente nga nahulog ang nasambit nga bata sa irrigation canal.
Bisan pa nga madason ini gin dala sa balay bululngan, gindeklarar na ini nga dead on arrival.
Sa karon, padayon pa ang imebstigasyon sang otoridad agud mahibal-an ang sakto nga gintunaans ang pagkapatay sang bata.
