Panibag-o naman nga self-accident ang nagluntad sa bahin sang national Highway, barangay Carpenter Hill, siyudad sang Koronadal pasado alas-4 sang kaaganhon, subong nga adlaw sang Sabado, Marso 29, 2025.
Imbolbado sa nasambit nga askidente amo ang isa ka Mitsubishi Montero, nga gina maneho sang isa ka alyas ‘Ipe’ ,yara sa legal nga pang edaron kag residente sang Brgy, Poblacion, Tantangan, South Cotabato.
Padulong kuntani ang nasambit nga salakyan sa Bo.8 bangud may gin dul-ong ini, apang sa pagbalik sini sa Syudad sang Koronadal, nakapiyong-piyong ang nasambit nga drayber kag nabangga ang center Island sa bahin sang Brgy. Carpenterhill, Syudad sang Koronadal.
Sa subong yara na sa stable nga kondisyon ang nasambit nga drayber nga madason man gindangat sa isa ka pribado nga balay-bulolngan para sa madason nga atensyon-medikal.
