KORONADAL CITY – Nasapwan sang isa ka katapo sang BPATs ang isa ka Rifle Grenade sulod mismo sang daan nga storage facility sang Barangay Hall sa bahin sang Brgy. Kemartu, Tboli, South Cotabato.
Ginkilala sang T’boli PNP ang BPAT member nga si Edni Kumang, 54, may asawa kag residente sang amu nga lugar.
Nakita suno pa ni Kumang ang Rifle Grenade samtang naga panglimyo ini sa storage facility sang Barangay Hall
Ginatumod naman sa subong sang otoridad kun sin-o ang naga panag-iya sang amu nga Rifle Grenade kag kun ngaa nag-abot ini sa amu nga lugar.
Samtang, pila ka minutos nakita man ang isa ka shotgun sa amu gihapon nga lugar nga nakita naman ni Mr. Hermilo Bero Jr, 50 anyos kag isa man ka katapo sang BPATs.
Madasig naman nga nagpakig-agot ang mga BPATs sa T’boli PNP kag ginturn-over ang mga nasambit nga butang.
Nagpasalamat naman ang mga katapo sang kapulisan sa kooperasyon sang mga residente sa amu nga lugar kag nagpanawagan ang mga ini nga ipadayon ang maayo nga relasyon sa tunga sang mga residente kag otoridad para sa kalinong sa ila nga banwa.
