Nagapadayon sa karon ang imbestigasyon sang mga otoridad sa may kahimuan sang pagsigabong sang isa ka ginapatihan nga bomba sa Pikit, Cotabato.
Sa interbyu sang Bombo Radyo Koronadal, kay Police Major Arvin Cambang, Chief of Police ng Pikit MPS ginpahayag sini nga isa ka riffle grenade ang nagsigabong sa isa ka gin-abandona na kag guba nga balay nga ginapanig-iyahan ni Sarah Lumenda sa likod nga bahin sang Kolambog Elementary School sa Sitio Kahilo Barangay Kolambog Pikit Cotabato.
Wala naman sang may napagkit nga pilason sa tuman ka kusog nga pagsigabaong luwas na lamang sa mga igo sang bomba sa likod nga bahin sang eskwelahan.
Nagresulta man ini sang kahadlok sa mga residente sang Brgy Kolambog.
Ginpahayag naman Brgy Kolambog Brgy Kapitan Jayson Mangansakan nga luwas ang ila nga lugar kung sa diin nakibot na lamang sila sa natabo nga pagsigabong.
Sa karon, nagapadayon ang imbestigasyon sang Pikit PNP upod ang tropa sang militar sa nagluntad nga pagsigabog nga posible kahimuan sang mga Armed Lawless Group.
