KORONADAL CITY– Patay ang isa ka persona makaligad nga ginpulihan ini sang kulata kag ginlampusan sang bote sa ulo sa bahin sang Sitio Camdas, Brgy. Rang Ay, Banga, South Cotabato.
Ginkilala ni Police Corporal Benito sang Banga PNP ang biktima nga si Larry Calsawi Bansalao, 36 years old, isa ka laborer kag residente sang Brgy. Kungan, Glan, Sarangani Province.
Sandig sa imbestigasyon sang Banga PNP , nagtambong ang biktima sa isa ka kahiwatan sa nasambit nga lugar sa diin nagluntad ang isa ka inom-inom kag natripan ini sang grupo nanday Siong Lucena kag mga kaupadanan sini sa diin hinali na lamang gin lampusan ni Siong Lucena sang bote ang ulo ni Larry Calsawi Bansalao.
Nakasustiner sang pilas sa ulo ang biktima kag madasig nga gin sakay ini sa isa ka topdown padulong kuntani sa hospital// Sang naga asoy na ang mga ini padulong sa ospital, naagyan nila si Jessie Boquiren kag ginlumpatan sang biktima kag hinali gin sumbag.
Nag responde naman ang mga paryente ni Boquiren kag gin bululigan nila kulata ang biktima.
Nagdalagan suno pa ang biktima malapit sa isa ka dyutay nga creek sa diin mapalagyo kuntani apang pag abot sa kaagahon, didto man nasapwan nga naga kulob kag wala na sang kabuhi nga lawas ni Bansalao nga gina patihan nga napatay bangud sa kulata.
Sa subong, naga padayon ang imbestigasyon sang mga kapulisan sa krimen kag padayon man sa imbestigasyon sa kun sin-o ang dapat manabat sa amu nga panghitabo.
