KORONADAL CITY- Nasapwan na lamang nga patay ang isa ka 74 anyos nga amay sa Tantangan, South Cotabato.
Sa interbyu sang Bombo Radyo Koronadal kay Jobert, bata sang naghikog, ginkilala ang amay sini nga si Artemio Agregado Sr. nga residente sang Prk. Belo, Brgy, San Felipe, Tantangan South Cotabato.
Sa pagsaysay sang bata sini, alas 6 sang aga sang nag-abot ini sa kubo nga gina-istaran sang iya amay agud nga lutuan kun tani ini sang pagkaon, apang nakita niya na lamang sini nga nagabitay na ang iya amay kag wala na nagahulag.
Narekober sa kubo ang higot nga gin-usar sang iya amay sa paghikog.
Posible nga bangud sa ginasuprer nga komplikado nga balatian ang nangin rason sa pag-utas sini sang iya nga kabuhi.
Sa karon nagapatigayon na sang dugang nga imbestigasyon ang Tantangan, PNP.
