KORONADAL CITY – Wala na sang kabuhi ang isa ka persona makaligad nga naghikog ini usar ang isa ka armas-luthang sa Prk. Bonifacio, Brgy. Panay, Sto. Niño, South Cotabato.
Ginkilala ni PMaj Sherwin Panaguiton,Hepe sang Sto. Niño PNP ang biktima nga si alyas Arnel , 50 anyos , may life-in partner kag residente sang nasambit nga lugar.
Sandig sa imbestigasyon sang mga otoridad, nakabati suno pa sang isa ka lupok halin sa isa ka armas luthang ang pila ka miyembro sang pamilya ni Arnel.
Sa pagpangita sa gintunaan sa lupok , nakita sang mga ini ang biktima nga naga kaya kag may pilas sa dughan kag tupad sini ang isa ka homemade 12 gauge shotgun rifle.
Gindangat pa sa balay-bululngan ang biktima apang gindeklarar ini nga Dead-on-Arrival sang attending physician.
Dugang pa sang hepe, ginpakigbahin man sang mga pamilya sang biktima nga antes ini nag hikog, naga suprer na nga daan ini sang nervous breakdown humalin pa sang nanligad nga tuig.
Wala naman sang may nakita nga foul-play ang mga otoridad sa nasambit nga panghitabo .
Yara naman sa kustodiya sang mga kapulisan ang armas luthang nga gin usar sang biktima sa iya nga pag komiter sang paghikog.
