KORONADAL CITY – Nagapaayo na subong sa ospital ang mga biktima sang food poisoning makaligad ginaaligar nga magkaon sang tinapay sa bahin sang Tupi, South Cotabato.
Ini makaligad ginpahayag sang amay sang mga biktima nga si Carlos Kayawi nga nagkaon suno pa ang mga ini sang double buddy nga tinapay kun sa diin gin-antos sang mga ini ang pagpalanakit sang tiyan kag pagpalanuka.
Kaangot sini, gilayon nga ginkumusta sang tag-iya sang bakeshop nga si Rose Rabia ang nasambit nga mga biktima kag ginpasiguro ang bulig sa mga ini.
Sa ekslusibo nga interbyu sang Bombo Radyo Koronadal kay Rabia, ginpaathag sini nga ini ang una nga tion nga napagkit sa iya negosyo sa sulod sang pito ka bulan sini nga pag-operate sang nasambit nga bakeshop.
Ginpasiguro naman ang nagakaigo nga bulig sa mga biktima agud gilayon nga makaguwa ang mga ini.
