Ginpahayag sang Bureau of Immigration ang pagbalabag sa isa ka Chinese National nga ginapangita para sa deportation sang ahensya bangod sa human trafficking kag prostitusyon.
Suno kay Bureau of Immigration Commissioner Joel Anthony Viado, nadakpan ang 51 anyos nga si Di Shuizhong sa NAIA Terminal 1 sang Setyembre 19 samtang siya magpanakay na tani sa flight pakadto sa Chengdu, China.
Suno sini, gin dala si Du Shuizhong sa BI detention facility sa Camp Bagong Diwa, Taguig City.
Dugang pa ni Viado, pagabalikon si Du Shuizhong sa China suno sa deportation order nga ginpagwa sang BI board of commissioners batok sa iya sang Nobyembre sang nagligad nga tuig bangod sa pagka undesirable alien.
Siya man isa na sa blacklist kag isa sa mga gin bawal na magabalik diri sa pungsod kag padayon nga magapabilin siya sa BI facility tubtob maimplementar ang iya deportation.
