Isa ka lalake nga si Damian Wojnilowicz, 36 anyos nga taga Monmouthshire, Wales, imbes kuntani mangawat, nanglimpyo nalang.
Suno sa report, nagsulod ini si Damian sa iya kawatan nga balay sang nakit-an niya nga may nilabhan ang tagiya, gin labhan niya ini kag gin ayos pa.
Dugang pagid, ginpakaon niya ang mga sapat sang tag-iya, ginhaboy ang basura, ginbutang isa isa ang grocery sang tag-iya sa ref, gin limpyuhan ang salog kag nag luto pa ini.
Suno sini, nakibot ang tag-iya nga naglimpyo ang balay sini kag pag tan-aw niya sang CCTV nakit-an niya si Damian amo iya gin report ini sa kapulisan.
Ginpasakaan sang kaso si Damian nga burglary kag guilty ini maskin wala nakit-an nga may gin kawat bangud nahadlok ang biktima ukon ang tag-iya sang balay.
Nahibaluan man nga si Damian isa ka palaboy kag napriso na bangud sa common assault, public order offense kag failure to surrender.
Apang, wala nag pangayo sang pasaylo si Damian sa biktima, amo naging rason nga mapriso ini sang 22 bulan.
