KORONADAL CITY – Nagpakita sang pagsuporta para sa liwat nga pag-abre sang isa ka dako nga minahan sa South Cotabato ang pila ka mga miyembro sang Indigenous People sa banwa sang Tampakan South Cotabato.
Ini ang nangin pahayag ni Amay Collado, Indigenous People Mandatory Representative (IPMR) sang Tampakan South Cotabato sa interview sang Bombo Radyo Koronadal.
Suno sa iya, may katungod sila nga mga Indigenous People nga e-utilize ang mga mineral nga yara sa ila nga mga ginakabig nga Ancestral Domain agud usaron sa paglambo sang ila nga kabuhi bangud nakabagkit sa section 27 sang IPRA nga may ara sila sang First Priority Rights (FPR) kun sa diin pwede sila nga mag joint venture ukon mag sulod sa MOA kaupod ang pribado nga mga sektor para sa pag provide sang mga ekwipo nga kinahanglan para makakuha sang minerales sa ila nga lupa
Ginpamatokan man sini ang pahayag nga naga alegar nga ginahadlok suno pa sila nga mga IP agud magsugot sa pagmina sa ila nga duta bangud sila mismo ang nagpasugot na nga usaron ang ila nga duta para sa pagkuha sang mga mineral kag wala sang pwersa nga gin-usar para magpasugot ang mga ini.
