Ginkakibot sang isa ka entrepreneur nga si Aman Birendra Jaiswal sang madiskubre niya nga ang isa ka delivery driver sang Ola Foods nagakaon sang iya gin-order nga pagkaon.
Si Aman isa ka residente sang Noida, isa ka planned city nga nahamtang sa northern state sang Uttar Pradesh, India.
Ang delivery driver konektado sa Ola Cabs, nga partner sang Ola Foods.
Suno kay Aman, antes pa magluntad ang insidente, nangayo anay ang delivery driver sang dagdag nga 10 rupees (mga PHP10) para ihatud lang ang iya pagkaon.
Sa una, ginbawi ni Aman ang demand sang driver tungod kay wala sang patakaran ang Ola Cabs nga nagtugot sa mga delivery drivers nga mangayo pa sang ekstra.
Apang, nagpasugot man siya sa katapusan, bisan pa nga ang ginpangayo sang driver sobra pa sa delivery charge nga iya nabayran sa Ola Foods.
Bisan pa sini, ginaphulat pa siya sang delivery driver sang 45 minutos. Sang nagsiling ang driver nga yara na siya sa parking area, nagulat si Aman sang nagkadto siya para kuhaon ang iya order.
Gapungko siya samtang ginakaon ang ira order sang delivery driver, nga upod pa ang isa pa ka delivery driver, nga wala lang sing labot sa sitwasyon.
Kag sa karon hindi pa matumod kung ano ang pwede himuon nga silot sa nsambti gna driver pinaagi sa pag kaon sini sang order sang iya nga kliyente.
