Wala na sang kabuhi sang masapwan ang isa ka baby girl sa isa ka irrigasyon sa Sitio Cogonal, Brgy.Topland, Koronadal City.
Sa interbyu sang Bombo Radyo Koronadal kay Mary Glen Baylon, residente sa nasambit nga lugar, pasado alas 6 sang aga sang nag agi ini sa nasambit nga lining bangud magdul-ong sa iya nga mga estudyante, natalupangdan na lamang ini nga nakasab-it sa mga rurok sang lining ang baby girl nga ang pagkabalo niya isa lamang ini ka manika.
Apang sang ini iya nga palapitan, dodto niya natalupangdan nga isa gale ini ka lapsag nga nakaangot pa ang pusod. Gilayon siya nga nagpangayo sang bulig, kag sa karon indi pa nila matumod kung sin o ang may kahimuan sa paghaboy sang nasambit nga lapsag.
Ginpaathag niya man nga wala siya sang may nabal-an nga nagadala o kun bag-o bata sa ila nga lugar.
Sa karon, nagpatigayon sang imbestigasyon ang Koronadal City PNP sa paghibalo kag pagkilala sa iloy nga nagpaanod sa iya kaugalingon nga anak.
Samtang BLGU sang Topland na lamang ang nag asikaso sang patay nga lawas sang nasapwan nga lapsag.
