Isa ka amay ginpatay sang sarili nga bata

Patay ang isa ka amay matapos pugutan sang ulo sang iya kaugalingon nga bata sa Purok 1A-Gapas, Barangay Madaum, syudad sang Tagum, bandang alas-6 sang aga sang Linggo.

Suno sa mga otoridad, hindi lang pagpugot sang ulo kundi paghiwa man sang tiyan sang biktima, amo nagresulta sa pagguwa sang mga lamang-loob sini.

Ang pila ka bahin sang lawas, lakip na ang korason, ang gin sab-it naman sa isa ka kahoy malapit sa ila balay.

Sa karon, uyat na sang mga kapulisan ang suspek, apang nagapabilin ini nga hindi maistorya samtang gina imbestigahan.

Padayon ang madalom nga imbestigasyon sang mga awtoridad sa karumal-dumal nga insidente nga nag hatag sang kahadlok sa komunidad.