-- ADVERTISEMENT --
Indi pa makapati nga nakapasar sa 2025 Bar examinations kag basi isa lang ini ka damgo.
Ini ang nangin pahayag ni ATTY. Bary L. Lugan, ABE, MPA sa exclusive nga interview sang Bombo Radyo Koronadal.
Suno kay Lugan, halos indi siya makapati nga nakapasar siya apang sang nakita na niya ang iya pangalan didto na siya nagpati kag dako ang iya kalipay.
Dugang pa kay Lugan, naga pasalamat siya sa Notre Dame Marbel University College of law bangud sa dako nga standards ang gina tudlo pag abot sa academics.
Gindugang pa ni Lugan, sa subong may plano siya nga mag bulig sa ila munisipyo sa banwa sang T’boli, SoCot sa legal nga pamaagi.
Nagpasalamat naman si Lugan sa tanan nga nangin parte sang iya pagtoon kag sa mga tao nga nag suporta sa iya.
