Gin-anunsyar ni Iran President Masoud Pezeshkian nga untato nila ang missile attacks sa mga kaiping nga pungsod sa Middle East, luwas na lang kun may pag-atake halin sa Gulf states.
Ginhimo ini sang Iran matapos ginpahayag sang Interim Leadership Council ang armed forces nga suspendiron ang mga atake, luwas kun may maghalin nga agresyon.
Nagpangayo man sang pasaylo si Pezeshkian sa Gulf states, kag ginhingyo sila nga resolbahon ang isyu paagi sa diplomasiya.
Ginpaandaman man niya ang Gulf nations nga indi magpaka-“hampangan” sang imperiyalismo kag likawan ang pag-atake sa teritoryo sang Iran.
Wala pa klaro kun ini nga anunsiyo epektibo na, apang ginakonsiderar ini nga dako nga development matapos ang joint attack sang U.S. kag Israel sa Iran.
Nagdumili sa gihapon nga magpasako ang Iran, kasunod sang pahayag ni U.S. President Donald Trump nga magtakop lang ang giyera kun mag-surrender ang Iran nga wala kondisyon.
