Iran, nagpasiguro nga wala ginsiraduhan ang Strait of Hormuz, apang ginpahamtang nga indi mahimo mag-agi ang barko sang Israel kag Amerika

Gin-athag sang Iran nga mahimo pa nga maglabay ang tanan nga sahi sang barko sa Strait of Hormuz magluwas sa mga barko sang Israel kag Amerika.

Suno kay Iranian Foreign Minister Abbas Araghchi, wala nila ginsiraduhan ang makitid nga alagyan nga gina-agihan sang 20% sang supply sang gatong sa bug-os nga pungsod nga naghalin sa Gulf Region.

Pahayag pa niya, wala lamang nila ginatugutan nga mag-agi ang pila ka mga oil tanker nga ginapanag-iyahan sang ila mga kaaway.

Pila ka mga barko ang ginbombahan samtang nagaagi sa Strait of Homuz, lakip na ang isa ka Thai vessel nga wala sang labot sa inaway.