Nagpaandam ang Iran nga nakahanda sila nga magbalos sa US ground attack kadungan sang pag-akusar sa Washington nga nagapreparar ini sang land assault apisar naghingyo sang negosasyon kag pag-istoryahanay sa Pakistan ang regional powers sa pagtinguha nga mauntat ang gyera.
Natalana nga magkitaay sa Ismalabad ang foreign ministers sang Pakistan, Saudi Arabia, Turkey kag Egypt agud hambalan ang mga paagi nga mapa-untat ang gyera.
Gin-akusaran ni Iran parliament speaker Mohammad Baqer Qalibaf ang US nga nagpadala sang mga mensahe sa posible negosasyon samtang sekreto nga nagaplano nga magpadala sang ground forces kun sa diin nakaprepar ang Iran nga magbalos kun may i-deploy nga US troops.
Nag-dispatch ang Washington sang linibo ka Marines sa Middle East kag ang una sa duha ka contingents nag-abot sang Byernes sakay sa amphibious assault ship.
Suno sa US officials, nagahanda ang Pentagon para sa pila ka semana nga ground operations sa Iran nga posible magalakip sang raids sang Special Operations kag conventional infantry troops.
