Gin-kumpirmar sang Iran nga nagresulta sa positibo ang ila panibag-o nga paghinun-anon kaupod ang United States.
Nagpulong liwat ang mga tiglawas sang US kag Iran sa Geneva, Switzerland agud mapanubo ang tensyon sa tunga sang duha ka pungsod.
Kabahin sang pulong ang tiglawas sang Oman nga nagsilbi nga mediator para makumbinsi ang Iran nga untatan ang pagpadalagan sang nuclear program sini.
Suno sa report, ginpahamtang sang US ang posibilidad sang military action kun indi magtubag ang Iran sa nuclear isyu.
Sa nagligad, nagpamahog man si Donald Trump nga magalunsyar sang pag-atake sa nuclear site sang Iran kon indi ini mag-cooperate sa international negotiations.
Samtang nagapaabot, nagahambal ang Oman nga nagalaum sila nga maghatag sang pinal nga sabat ang Iran sa nasambit nga paghinun-anon.
Kabahin ang diplomatiko nga tikang nga ini sang padayon nga paniguha nga malikawan ang eskalasyon sang tensyon sa rehiyon, nga importante para sa seguridad kag ekonomiya sang Middle East.
