Nag-umpisa ang Iran sang 40 adlaw nga pagpang-unong matapos mapatay si Supreme Leader Ayatollah Ali Khamenei sa nagapadayon gna pag-atake sang United States kag Israel, suno sa Iranian state media.
Lakip man napatay ang pila ka magtag-as nga mga opisyales sang seguridad, lakip na ang bata nga babayi, in-laws kag apo ni Khamenei.
Ginkabig ni Presidente Masoud Pezeshkian nfa “dako nga krimen” ang pagpatay kag nagdeklarar sang pito ka adlaw nga public holiday luwas sa 40-adlaw nga mourning period.
Nagpatigayon man sang malapnagon nga pagpangasubo sa Tehran kag iban pa nga syudad kasubong sang Shiraz kag Lorestan, samtang may mga datos man sang protesta sa Iraq kag Pakistan.
Nagtilipon man sa Baghdad ang mga demonstrador malapit sa Green Zone, kag sa Karachi ang nagpatigayon sang hublag-protesta sa atubangan sang US consulate.
Samtang, gin-report man sang state media nga temporaryo nga dumalaan ang pungsod sang isa ka 3-person nga konseho tubtob mahalal ang bag-o nga Supreme Leader.
Sa pihak nga bahin, nagpaandam man si US President Donald Trump nga magaatubang ang Iran sa tuman nga puwersa kun magapadayon sa pagretaliate.
