Nagpabutyag ang Iran nga gin-atake sini ang mga base militar sang Estados Unidos sa Jordan kag ang mga target sang US sa Al Minhad Air Base sa United Arab Emirates, bilang balos sa pag-atake sang US sa duha ka rocket launchers sa Larak Island sang Iran.
Apang ginpanginwala sang UAE Defence Ministry ang alegasyon nga gintarget sang Iran ang Al Minhad Air Base, kag ginpahayag nga isa ka Iranian drone ang ila na-intercept sa ila territorial waters.
Suno sa Iranian state media, duha ka indibidwal ang napatay kag pila pa ang napilasan sa US strike sa Larak Island, lakip ang mga Iranian fighters kag sibilyan.
Samtang, ginpahayag ni Iranian President Masoud Pezeshkian nga indi nagapangita sang kinagamo ang Tehran, apang indi man ini magpabilin nga wala sang sabat sa bisan ano nga agresyon.
Sa Nablus sa occupied West Bank, nagpatigayon man ang Israeli forces sang isa ka dako nga raid nga suno sa mga report nagresulta sa pagkapatay sang duha ka Palestinian.
