Ginbatuan sang Iran ang padayon nga military build up sang US sa Middle East.
Ginpahayag ni Iranian Foreign Minister Abbas Araghchi, nga indi sabat ang giyera agud makakas ang nuclear program nila.//Gindugag pa niya nga importante ang pagpatigayon sang diplomasya kag pagpulong.
Ginpahayag man niya nga ang ginahimo sang US nga pagpahamtang sang mga warships sini sa kadagatan nga malapit sa Iran ang indi makabulig kag wala sang pulos.
Suno pa kay Araghchi nga kun mag-abot pa ang airstrikes ang indi na makapaayo sa duha ka kampo kag dako ang posibilidad nga madamo ang mabawian sang kabuhi bangud sa nasambit nga tikang.
Madumduman nga naghatag si US President Donald Trump sang tubtob 10 ka adlaw sa Iran nga magsabat sa pagpulong agud madula ukon ma-untat ang padayon nga paghimo sang nuclear program.
