Padayon ang paalinton sang Integrated Provincial Health Office o IPHO bahin sa Mpox nga isa ka transmissible nga sakit. //Ini ang ginkumpirmar ni Eldon Hans Serome, HEPO II IPHO SOUTH COTABATO sa interbyu sang Bombo radyo koroandal.
Ginahingyo mi Serome ang tanan nga maglikaw sa skin-to-skin nga kontak agud malikawan ang paglapta sang virus
Ginatutukan gid sang IPHO ang kahimtang sang mga kaso sang Mpox sa aton lugar, kag nagahatag sang mga paalinton sa mga pumuluyo agud maprotektahan ang aton komunidad.
Sa subong, may duha ka suspected case sang Mpox nga nareport sa South Cotabato.
Apang, ginahimo pa ang pagmonitor kag ginakonsiderar ini nga mga kaso nga suspected lamang, kag wala pa ini nakumpirmar. Ang IPHO padayon nga nagabantay sa sitwasyon kag nagahatag sang updates sa publiko.
Ginklaro sang IPHO nga bisan pa man wala pa ini nakumpirmar nga kaso, kinahanglan gihapon nga magpabilin kita nga alerto kag maghimo sang mga preventive measure.
Ang IPHO nagapahanumdom nga indi lang sa Mpox kita dapat magpabilin nga alerto, kundi pati man sa tanan nga klase sang sakit.
Kinahanglan kita magbantay sa mga sintomas kag mag-obserbar sang health protocols nga ginapromote sang mga otoridad. Ginapasiguro sang IPHO nga ang aton kaluwasan ang ila pinakaimportante nga prioridad.
Ginapangabay man ni Serome nga mag-monitor sa heat index sang aton lugar kag mag-obserbar sang mga advisories nga ginahatag sang IPHO.
Ang mga preventive measures pareho sang pagsuksok sang face masks, frequent handwashing, kag social distancing kinahanglan nga padayonon agud mapugngan ang paglapta sang sakit.
